``ဒါဟာ တပ်ဆင်ထားခြင်းမရှိသေးတဲ့ အမှန်တရားရဲ့ ဖုန်းနံပါတ်ပေါ့´´ချိုးဖြူငှက်လမ်းသွယ်ကဗျာ+အသင်း မိတ်ဆက်သ၀ဏ်လွှာ
*ကျွန်တော်တို့ ရင်ဘတ်ထဲကို ကဗျာတွေ ၀င်ရောက်သိမ်းပိုက်ခဲ့တာတော့ ကြာပါပြီ။ တကယ်တမ်းစစ်ကြေငြာခံ ရတာက မြန်မာကဗျာဆရာ ``မောင်ချောနွယ်´´ ကျဆုံးခဲ့တဲ့ ၂၀၀၂၊ စက်တင်ဘာရဲ့ နောက်ဆုံးနေ့ရက်တွေ မှာပါ။ ကျွန်တော်တို့ ဒီကဗျာအ၀န်းအ၀ိုင်းလေးကို ရင်ခုန်သံတူညီတဲ့ ဘော်ဒါတစ်စု ``ချိုးဖြူငှက်လမ်းသွယ်´´ လို့ အမည်ပြုခဲ့ကြပါတယ်။ ပန်းခြံထဲက လွတ်လပ်ရေးကျောက်တိုင်ကြီးကတော့ သက်သေပေါ.။
*ကျွန်တော်တို့ရဲ့ ကဗျာရင်ခုန်သံကို ချွန်းဖွင့်လိုက်ပါတယ်။ ဘာဖြစ်လို့လဲဆိုတော့ ကျွန်တော်တို့ ကိုယ့်နှလုံးသား ကို ကိုယ်ညာလို့ မရတော့ဘူး။ ကျွန်တော်တို့ ကဗျာကိုချစ်တယ်။ ပန်းကလေးတွေ၊ ကောင်မလေးတွေကိုလည်း ချစ်တာပါပဲ။ လောကမှာရှိတဲ့ အလှတရား အားလုံးရဲ့ ပြုစားခြင်းကို ကျေနပ်စွာ ခံယူခဲ့ကြပါတယ်။
ချိုးဖြူငှက်လမ်းသွယ်ရဲ့ အဓိပွါယ်သံခိပ်
*ချိုးဖြူငှက်ဆိုတာက ငြိမ်းချမ်းလွတ်လပ်ခြင်းရဲ့ ပြယုဂ်ပဲ၊ လမ်းဆိုတာက ခရီးရောက်ဖို့ပါ။ ငြိမ်းချမ်းသာယာတဲ့ လွတ်လပ်လမ်းသွယ်လေးပေါ့။ ၀င်ရောက်လည်ပတ်ပါ။ နားခိုဆွေးနွေးစရာလည်း ရှိမှာပါ။ ကျွန်တော်တို့ ပထမ ဆုံးလုပ်ဖြစ်ခဲ့တဲ့ ကဗျာစာအုပ်လေးရှိတယ်။ နတ်တွေမနာလိုလို့ အ၀ှက်ခံထားရတဲ့ စာအုပ်လေးပေါ့ ...။
နာမည်က ``၂၀၀၄ ဒီဂရီ´´တဲ့။ (၂၀၀၄ ခုနှစ်ကပါ၊ တကယ်တမ်းက အဲဒီထက်စောပါတယ် )
ကျွန်တော်တို့ရဲ့ ကဗျာလေးတွေကို မြည်းကြည့်ပါ။ မိတ်ဆွေရင်ထဲ ထိခဲ့ရင်လည်း ပါဝင်ရေးသားလို့ ရပါတယ်။
``ကမ္ဘာကြီးကို ကဗျာနဲ့ သူကောင်းပြုကြပါစို့´´
``လမ်းတူရင် လူခြင်းတွေ့ကြမယ်´´
``ကဗျာနဲ့ကမ္ဘာ မာပါစေ´´
ချိုးဖြူငှက်လမ်းသွယ် ကဗျာ+အသင်း (သို့) သူရဲကောင်းများ
* သျှင်းသျှင်း * အင်တာနတ်
* ÷ မျိုး * နေရှားလူ
* ညီအောင်ခက်နွယ် * သူ့သူ့ (ကလေး)
* စောရဲနောင် * ဏှင်းအိမ်ဈာန်
* ညီမင်းသူ * ဗိုလ်ဗိုလ်
အသားတံဆိပ်
ဇီးကွက်တစ်ကောင်လို ညညမှာ
စာရွက်တွေပေါ်ကျက်စား
တစ်နေ့လုံးပိတ်ဆို့မိနေတဲ့ ဝေဒနာတွေက
စကားလုံးတွေကို
ဓားစာခံအဖြစ်ခေါ်ဆောင်သွား
အမြဲတမ်းပန်းဝင်စောနေတဲ့ နာရီလက်တံတွေက
သုခတွေကို ဆွတ်ခူးစား
ဒီလိုနဲ့ ....
=ကဗျာဆရာ+ ဆိုတဲ့ ပညတ်လေးတွေ ထူအမ်းအမ်းနဲ့
ပရိယေသနထဲမှာ လုံးပါးပါး . . . ။
(ညီအောင်ခက်နွယ်)
အလင်းမဲ့ဒြပ်စင်
လေဟာနယ်တစ်ခုဆီက
အစိုင်အခဲဆိုတဲ့ ဒြပ်လေးတစ်ခု
လွင့်ပါးတဲ့ ထိုအခါ
ထည်ဝါတဲ့အဆင်းကင်း
လင်းတောက်တဲ့အရောင်မဲ့
ပုံစံမကျတဲ့ ဒြပ်ဆောင်
ငါတောင်စိတ်ပျက်မိပါသေးရဲ့။
သို့ပေမယ့် ...
သင်ဟာ ငါ့အတွက်
တန်ဖိုးမဖြတ်နိုင်တဲ့ ရတနာမဟုတ်သလို
အသုံးမကျမှု အရာတွေလို့လည်း
မဆိုထိုက်ပါဘူး။
သေးငယ်နှိမ့်ပါးနေပေမယ့်
သင်ဟာငါ့အတွက်
အတွင်းစိတ်သဏ္ဍာန်မှာ
ပုံမှန်လည်ပတ်နေမယ့်
သွေးကြောလေးတစ်ခုပါပဲ . . .။
(အင်တာနတ်)
ဘာသာမဲ့
နွေရက်များရဲ့သတင်းကို စောင့်မျှော်ကြည့်ချိန်မှာ
ငါ့ကိုယ်ငါ ဥသြအထင်နဲ့
မှားယွင်းချိန်တွယ်မိခဲ့ပေါ့
အလင်းတို့ဖောက်ပြန်တိုင်းသာ
ငါ့နှလုံးသွေးရပ်ရရိုးဆိုရင်
မနေ့ကထားခဲ့တဲ့ ငါ့ကတိ ဘယ်မှာလဲ
အသိအတိုင်းသာ လေးစားခဲ့တာပါ
ပေးပါ ကျွန်တော့်ကိုပေးပါ
သက်ရှိတို့ရဲ့ ဘာသာရပ်
ကျောက်စာတစ်ချပ်လောက်ဖြစ်ဖြစ်
ဒါမှမဟုတ်
ကလေးတစ်ယောက်က
သူ့အတွက် အပြောင်မြောက်ဆုံးဆိုပြီး
ရေးခြစ်ထားတဲ့ ပန်းချီကားပဲဖြစ်ဖြစ်ပေါ့
ကျွန်တော်လှလှပပလေး ဘာသာပြန်ပြမယ်
ဒါပေမယ့်
အေးစက်စက်တဲ့ အက္ခရာတွေနဲ့ဖွဲ့စည်းထားတဲ့
ဘယ်လိုမှ သဲလွန်စ မရှိတော့တဲ့
ချစ်သူ့ပေစာ ဖတ်နိုင်ဖို့ကတော့
ကျွန်တော့်လေ့လာမှုတွေ လိုအပ်ခဲ့ပါတယ် . . . ။
(နေရှားလူ)
၂၇ ဒီဂရီ
တီဗွီဖန်သားပြင်ပေါ် စိမ့်ကျလာတဲ့သွေးတွေ
အိုင်စီလို စားပွဲပေါ်က
ငါ့ပန်းအိုးလေး ကျွမ်းရှာပေါ့
မျက်လုံးတွေနဲ့ ငါ့ကိုဝိုင်းပြီးပစ်ခတ်ကြ
အသံတွေက ကျည်ဆန်လိုတွားတက်လာ
အကြည့်မှာ ဓာတ်ကြိုးတန်းနဲ့ငြိနေတဲ့စွန်လို
အိပ်မက်တွေ ဝေးဝေးပျံသန်းလို့မရဘူး
အာရုံကိုလမ်းဘေးချပြီး
တဆုံးဆွဲဆန့်ကြည့်တော့
တခြားရင်ဘတ်ထဲက တောမီးတွေ
ငါ့ကောင်းကင်ပေါ် ချိုးဖောက်အုံဖွဲ့လာ
ဒုက္ခက နှင်းကွဲချိန်မှာ တောက်ပတဲ့အလင်းလို
ပရိဒေ၀တွေ ရာသီအလိုက်မူးယစ်ကြကုန်ပေါ့
ဝေဒနာကို ဖုန်းကဒ်ဟောင်းတစ်ခုလိုချောင်ထိုးပစ်ပြီး
(အလိုဆန္ဒအရ)
သေနတ်ပြောင်းဝကို ကိုယ်နဲ့ဆန့်ကျင်ဘက်အရပ်မှာထားရမယ်
စကြာဝဠာအပြည့် မီးတောက်မီးလျှံတွေ ငါနင်းဖြတ်ပါရစေ
သောကတွေ မီးခိုးလိုပေါ့ပါးသွားမလား ...
ပျံသန်းနေတဲ့ငှက်မှာ မြေပုံညွှန်းမလိုသလို
ကူးခတ်နေတဲ့ငါးမှာ အတောင်ပံမလိုဘူး
မြို့ရိုးဟောင်းထဲက အုတ်ချပ်တွေကို ကိုယ်ချင်းစာမယ်
စက္ကန့်တံလေးမောင်းနှင်နေတဲ့ ကမ္ဘာပေါ်မှာ
ငါက ထိုင်ခုံမဲ့စီးနင်းလို့
လက်မလွတ်ချင်ဘူး လွတ်လပ်ခြင်းရယ်...
အက္ခရာလေးတွေကို စိတ်တံစဉ်းနဲ့ပွတ်တိုက်နေချင်တယ်
အိုင်းစတိုင်းနဲ့နှစ်ယောက်တည်း အလင်းလိုဏ်ဂူဖောက်မယ်
နှလုံးသားတစ်ခုကနေ နှလုံးသားတစ်စီ ကဗျာတွေစီးဆင်းဖို့
(ဥုံ)
ငါ့ကို စိတ်တစ်ခု အပိုဖန်ဆင်းပေးပါ ဘုရားသခင် ...။
(ညီအောင်ခက်နွယ်)
အတိတ်စိမ်း
ဘ၀ အစုံစုံ
အသပြာ ပဲလိုတယ်...။
ကညစ်ဟာ ဂီတ မဟုတ်သလို
ဂီတဟာလည်း ပုံဖော်တဲ့ ပန်းချီ မဟုတ်ဘူး ...။
ပန်းခြံထဲက မြက်ခင်းစိမ်းစိမ်းလေးတွေရေ...
ယမကာမျိုးစုံနဲ့ လူမျိုးစုံ
စားစရာ အစုံစုံနဲ့ ဆေးလိပ်တိုမျိုးစုံရဲ့ ဒဏ်ကြောင့်
လျှော့ရဲခဲ့ပြီလား ...။
မငြီးမငြူ အားပေးခဲ့တဲ့
ကျောက်တိုင်ကြီးရေ..
ပြန်လည် လန်းသစ်ကြစို့ရဲ့ ...။
(သျှင်းသျှင်း)
No comments:
Post a Comment